Nagpatigayon ang Cadiz Local Government Unit sang systemic chemical intervention batok sa red-striped soft scale insect (RSSI).
Suno kay Cadiz City Mayor Salvador “Bading” Escalante, nagkasugtan sang LGU nga magpatuman sang uniform approach sa pagtapna sa problema sang RSSI.
Suno sa Alkalde, lakip diri ang paggamit sang systemic chemical, nga nagasulod sa mga dahon sang tanom agud mapatay ang peste kun ini ang ila nga makaon antes pa ini makaproduce sang mga enzymes nga nagapalala sang infestation.
Apang suno diri, isa sa kabudlayan amo ang limitado nga supply sang systemic chemical, bangud ang ginakinahanglan ang indi makasarang nga makasupply sa 5,000 hectares nga katubohan nga apektado sang RSSI.
Sa pihak sini, suno kay Escalante nga ginakonsiderar man sang ciudad ang approach sang Provincial Government sa pagtapna sang RSSI infestation sa Negros Occidental.
