-- ADVERTISEMENT --
Nagperform ang Itchyworms sa Liverpool, England bilang kabahin sang ila ‘Akin Ka Nalang’ UK Tour debut.
Sa social media post sang frontman sang banda nga si Jugs Jugueta, ginpakigbahin sini ang pila ka laragway sang ila pag-perform sa legendary nga Cavern Club, ang iconic venue nga naangot sa The Beatles.
Masobra 20 ka kanta ang ginhalad sang Filipino rock band para sa mga Pinoy sa lugar sa sulod sang duha ka oras.
Magluwas sini, gin-recreate man sang Itchyworms ang iconic nga Abbey Road crosswalk photo sa London.
Sa karon, yara ang banda sa luwas para sa ila scheduled performance sa Dingwalls sa Camden.
-- ADVERTISEMENT --
Ini kasunod sang ila nangin madinalag-on nga international stops sa Japan, Singapore, United States, Canada, kag Taiwan.
