Ginakahangaw-an nga mapatay ang kapin 14 million ka mga persona pag-abot sang 2030 bangud sa pagdula sang administrasyon ni US President Donald Trump sang US Agency for International Development (USAID).
Ini santo sa pagtuon nga ginreport sa prestihiyoso nga Lancet medical journal kadungan sang pagtililipon sang mga business leaders para sa UN conferene sa Spain subong nga semana nga may tinutuyo nga mapabaskog ang nagahuyang nga aid sector.
Natukiban sa pagtuon nga yara sa one-third sang nasambit nga numero ukon masobra 4.5 million nga mga kabataan nga naga-edad lima katuig panubo ang madulaan sang kabuhi sa 2030 ukon 700,000 ka mga kabataan kada tuig.
Sa isa ka statement, ginpahayag sang co-author sang Lancet report nga si Davide Rasella, nga para sa mga low kag middle income countries, mapaanggid ang pagkadula sang US aid agency sa global pandemic ukon dako nga armed conflict.
