Concert ni Beyoncé sa Houston, Texas, ginpauntat bangod sa props malfunction

Napilitan si Beyoncé nga untaton ang concert sini sa Houston, Texas, USA matapos nga nagtakilid ang ginsakyan sini nga kotse sa ere.

Kalakip sa props ang kotse kun sa diin samtang nagapungko ang singer sa ere, hinali nalang ini nga nagtakilid.

Bangud sa kakibot sang 43-anyos nga singer, nagpangayo ini sang bulig.

Naglahog pa ini sa mga fans nga mahulog na ini kag nakasiguro siya nga sal-on siya sang mga ini.

Indi ini ang una nga tion nga naka-eksperyensya ang singer sang props malfunctions bangud sang nagligad nga concert sini, nagsala man ang robot nga gingamit nga props sa pagbutang sang ilimnon.

Samtang sang 2018, naguba ang moving platform sa stage rason nga napilitan ini nga maggamit sang hagdan.