Ginmanduan ni President Ferdinand “Bongbong” Marcos Jr. ang mga concerned government agencies nga tinluan ang mga drainage kag estero ilabi na sa karun nga tig-ululan.
Suno kay Palace Press Officer Atty. Claire Castro, luyag sang Presidente nga mangin preparado ang gobyerno agud magresponde sa posible nga epekto nga tuga sang makusog nga pag-ulan kag bagyo.
Ginmanduan sini ang Department of Public Works and Highways kag ang Department of Labor and Employment (DOLE) nga magpanguna sang pagpanglimpyo sa mga drainage kag estero.
Igamobilize sang DOLE ang mga TUPAD beneficiaries agud magbulig sa pagpaninlo.
Ginpasiguro man sang Presidente ang National Disaster Risk Reduction and Management Council kag local disaster offices nga mangin preparado agud mangin first responders.
Sa karun, ginmanduan sang Department of the Interior and Local Government ang mga local government units nga pasanyugon ang ila emergency preparedness measures.
