Opisyal na nga gindeklarar bilang bag-o nga Senate President si Senator Sherwin Gatchalian paagi sa ‘unanimous vote’.
Ini sa ginpatigayon nga special session kasunod sang panawagan ni President Ferdinand “Bongbong” Marcos Jr.
Nadayun ang pagbotohay matapos makaangkon sang lehitimo nga quorum ang Senado sa pagkuha sang 13 ka attendance matapos magtambong sanday Senator Francis “Chiz” Escudero kag Senator Joel Villanueva sa session.
Wala naman sang nagpamatok sa opisyal nga pag-eliher ni Gatchalian bilang bag-o nga Senate President.
Una naman nga nagconcede si anay Senate President Alan Peter Cayetano sa pwesto matapos makumpirmar nga magatambong si Villanueva sa session.
Gilayon man nga nanumpa si Gatchalian sa bag-o nga pwesto sa atubang ni former Senate President Vicente Sotto III.
Samtang gin-eliher naman bilang Senate President Pro Tempore si Sotto.
Ginbuslan ni Sotto ang anay pwesto ni Senator Sherwin Gatchalian nga temporaryo nga nagpungko sa pwesto matapos ang reorganization sang Hunyo 3.
Madumduman nga si Senator Loren Legarda ang nagapungko nga Senate President Pro Tempore antes ang reorganization.
