Seine River sang Paris, liwat nga ginbuksan para sa public swimming makaligad sang 100 years

Makaligad ang isa ka gatos nga tuig, ginkalipay sang mga Parisian kag turista nga ginbuksan na liwat ang Seine River para sa public swimming sa una nga kahigayunan halin pa sang 1923.

Tatlo ka designated swimming sites sa banks sang suba ang mahimo malanguyan sang kapin 1,000 ka swimmers kada adlaw tubtob August 31, suno sa local officials.

Ang pagbukas sang suba ang kabahin sang dako nga clean-up operation sang ciudad agud mapaayo ang water quality sang suba kag magamit sa Olympic events sang nagligad nga tuig.

Ang pagbukas sang Seine ginakabig nga milestone sa environmental efforts sang Paris.