Indi na kinahanglanon ang simulation excercise ukon drill bilang preparasyo sa paglupok sang Bulkan Kanlaon.
Ini ang ginpahayag ni Negros Occidental 5th District Representative Atty. Dino Yulo.
Sa interview sang Bombo Radyo Bacolod kay Yulo, physically, emotionally kag mentally tired na ang mga Internally Displaced Persons (IDPs) sa banwa sang La Castellana gani indi sila mabasol nga nagpalagyo ang mga ini sa evacuation center bangud iya man nakita kun ano kabudlay ang sitwasyon sang mga tawo.
Nagapati man ini nga nakahibalo na ang mga tawo sang ila mga dapat himuon bangud naanad na ang mga ini nga luwason ang ila mga kaugalingon sa tion sang pagpamahog sang bulkan.
Magapatigayon man ini sang iya privelege speech sa pagbukas sang 20th Congress agud ipadangat sa national government ang matuod nga sitwasyon sang mga IDPs bangud sa paglupok sang Bulkan Kanlaon.
Ginpahayag man sini nga indi ang mga pumuluyo nga mag-istar sa tent city kag nagapanawagan man ini nga dapat ang Office of the Civil Defense ang mahatag sang concrete plan sa luyag nila nga himuon agud nga kuhaon ang mga pumuluyo sa sulod sang 4-6 km danger zone sang Bulkan.
