Ginkakibot sang gobyerno sang Pilipinas ang desisyon ni US President Donald Trump nga pagpatuman sang mas mataas nga 20 percent nga taripa sa mga produkto nga gina-export sa Estados Unidos.
Suno kay Special Assistant to the President for Investment and Economic Affairs of the Philippines Frederick Go, ini ang natabo apisar sang una nga mga tikang nga pagnegosyar para sa mas manubo nga taripa para sa mga produkto nga gina-import nagikan sa Manila.
Sang Miyerkules, ginpagwa ni Trump ang tariff notices sa pila ka trading partners lakip na ang Pilipinas nga ginpatuman sang 20 percent nga duty nga mas mataas sa una nga gin-anunsiyar nga reciprocal tariff rate nga 17 percent sang Abril.
Apisar sini, ginpahayag ni Go nga nagapabilin nga komitido ang Pilipinas sa padayon nga negosasyon sa paglagas sang mas maayo kag mas kumprehinsibo nga bilateral trade agreement ukon posible nga free trade agreement (FTA).
Santo sa data nagikan sa US Trade Representative, ang US goods trade deficit sa Pilipinas ang yara sa $4.9 billion sang 2024 nga nagsaka sang 21.8 percent nagikan sang 2023.
Ang US ang nagapanguna nga destinasyon sang Pilipinas para sa mga produkto sini sang 2024.
