Nagpasalig sang bulig ang alkalde sang banwa sang San Enrique, Negros Occidental sang bulig para sa pamilya sang 49 anyos nga Filipina caregiver nga tumandok sang banwa nga napatay sa Israel matapos nga makaangkon sang patal nga pilas bangud sa air strike sang Iran sang June 15.
Gin-anunsyar kahapon sang Philippine Embassy sa Israel nga ang napatay ang ginkilala kay Leah Mosquera.
Santo sa post sang Philippine Embassy sa Israel si Mosquera ang gindala sa Shamir Medical Center kun sa diin ini ang ginpaidalom sa pila mga surgeries kag nagpabilin sa Intensive Care Unit sa sulod sang pila ka semana.
Apang kahapon ginbawian ini sang kabuhi.
Sa interview sang Bombo Radyo kay Mayor Jilson Tubillara, madugay na sini nga kilala si Leah humalin sang nangin brgy teasurer ini sa Brgy Guintorilan antes siya nagpadulong sa Israel para magtrabaho.
Suno diri, kaupod ni Leah ang iya utod nga si Joy sa Israel para magtrabaho sa luyag nga makabulig sa ila pamilya kag wala sila naglaum nga ini ang matabo.
Pasalig sang alkalde handa sila magbulig sa pamilya ilabi na sa pagpapauli sang bangkay halin sa Israel.
Dugang pa sini, sa ila banwa may yara sang programa nga nagabulig sa mga Overseas Filipino Workers nga nagpauli kag wala sang trabaho kun sa diin ginahatagan sila sang gamay nga bulig agud makapundar sang ila negosyo.
