Mahibaluan subong nga semana kun magbunga ang ginpangabudlayan ni Filipino boxing legend Manny Pacquiao.
Naghinay-hinay ang Filipino icon sa iya training sa Los Angeles kapin duha ka bulan humalin sang nag-abot ini sa nasambit nga ciudad agud nga liwat nga mag-training.
Balantayan sa karun kun siya ang mangin madinalag-on.
Apang dako ang pagsalig ni Pacquiao nga nahimo na sini ang tanan sa sulod sang apat ka semana nga training matapos ang apat ka tuig nga pagpahuway.
Mangin kasumpong ni Pacquiao si World Boxing Council (WBC) welterweight champion Mario Barrios.
Si Pacquiao ang liwat nga magabalik gikan sa retirement batok sa mas bata kag mas dako nga opponent nga si Barrios sa MGM Grand Garden Arena sa Las Vegas, Nevada, USA sa Domingo, Hulyo 20, oras sa Pilipinas.
