Nagpasa sang ila resignation ang tatlo ka mga empleyado sang Provincial Government sang Negros Occidental nga assigned sa Provincial Veterinary Office nga ginreklamo bangud sang gin-alegar pagpangayo sang kwarta kabaylo sang gina-request nga dokumento.
Ang tatlo ang wala nagsabat sa showcause order nga gindagdag sang Negros Occidental Provincial Legal Office apang sabaylo nagpasa ang mga ini sang resignation letter nga ginbaton man gilayon sang gobernador.
Ang resignation sang tatlo ang epektibo sa bulan sang Agosto.
Madumduman nga una na nga ginpahayag ni Provincial Legal Officer Atty. Alberto Nellas Jr. nga ang natungdan nga mga empleyado ang ginareklamo sang pagpangayo sang P25,000 kabaylo sang pagpadasig sang pag-release sang Recognition of Active Surveillance (RAS) angot sa African Swine Fever (ASF).
Ang mga ginareklamo ang lunsay regular employees kun sa diin ang isa ang assigned sa man office sang PVO samtang ang duha ang assigned sa opisina sang PVO sa 4th District.
