May bag-o nga makasumpong si anay Olympian boxer Eumir Marcial bilang undercard kay Manny Pacquiao versus Mario Barrios sa adlaw sang Domingo, Hulyo 20, 2025 sa Las Vegas.
Ang original nga nakalista nga makasumpong para sa walo ka round nga hampang sang 29 anyos nga Tokyo Olympics bronze medalist amo si Mexican boxer Alexis Gaytan.
Apang bangud sa wala mahibaluan nga injury kag wala man ginhinambit sang kampo ni Gaytan ang rason nga nag-atras ini sa hampang.
Natalana nga ibulos kay Gaytan amo si Bernard Joseph sang Estados Unidos.
Ulihi nga naghampang si Marcial amo ang nakaligad nga tuig sang lutuson sa ikaapat nga round paagi sa knockout si Thoedsak Sinam.
Samtang ulihi nga naghampang ang 35 anyos nga American boxer sang nakaligad nga bulan sang ginlutos siya ni Casey James Streeter sa Portland.
May record si Marcial nga lima ka daog kag wala pa sang pierde samtang si Joseph amo ang may yara sang 11 wins, two loses kag 5 knockouts.
