Bilang tawo kita ang nagakasala apang paano kun ang sala nga nahimo mo nangin rason nga ikaw ang nangin milyonaryo.
Kaangay lamang kay LaQuedra Edwards nga nagbakal sang scratch card apang sala nga card ang nakuha sini.
Si Edwards bag-o lamang ang nagasto sang $40 sa isa ka lottery vending machine sa isa ka supermarket sang may isa ka lalaki nga nakabunggo sa iya.
Bangud sini, napindot sini ang lain nga ticket kag naggasto pa ini sang dugang nga $30 sa 200X Scratchers nga tiket.
Nagpangakig ini bangud ang scratch card nga luyag sini nga baklon ang barato kag indi mahal kaangay sang 200x Scratchers ticket.
Nadugangan pagid ang kainit sang ulo sini bangud wala man nagpangayo sang pasaylo ang lalaki kag dali dali nga nagwa sa supermarket nga daw wala lang sang natabo.
Yara si Edwards sa sulod sang iya nga salakyan sang ginkiskis sini ng scratch card kag ginkakibot sini bangud siya ang nagdaog sang $10 million.
Una wala ini nagpati nga siya ang nagdaog kag iya ginlantaw liwat ang ticket sang ini ang nakaabot sa ila balay kag didto nakumpirmar nga siya ang nakadaog sang jackpot prize.
Sa karun, plano ni Edwards sa iya nadag-an amo nga magbakal siya sang balay kag lote kasubong man magtukod sang isa ka non-profit nga organisasyon.
