Ginkumpirmar sang Department of Justice nga tul-an sang tawo ang narekober sang mga otoridad kahapon sa bahin sang Taal Lake.
Ini sa tunga sang nagapadayon nga pagpatigayon sang search and retrieval operations agud mapangita ang mga bangkay sang missing sabungeros nga ginaalegar ginlubong sa nasambit nga lawa.
Suno kay Justice Secretary Jesus Crispin Remulla, kumpirmado nga human remains ukon tul-an sang tawo ang nakuha sa ginpatigayon nga operasyon sang Martes.
Suno diri, natukiban sang mga ini nga tul-an sang tawo partikular na sa parte sang gusok ukon rib bones ang madinalag-on nga narecover sa pagpanguna sang Philippine Coast Guard.
Sa kabug-usan, kahapon, apat ka sako na ang narecover nagikan sa Taal Lake, duha diri ang nagaunod sang balas ukon pabug-at samtang duha naman ang mga bangkay sang tawo.
