Ginlauman nga magpakita kahapon si Vice President Sara Duterte sa Quezon City Regional Trial Court matapos magpagwa sang warrant of arrest batok sa iya.
Gin-isyu sang QC Regional Trial Court Branch 98 ang arrest warrant bangud sa tatlo ka counts sang grave threats matapos makitaan sang probable cause agud ipadayunon ang kaso sa trial.
Gin-deploy naman ang mga kapulisan sa gwa sang korte kag may dala nga backdrop para sa mugshot nga posible gamiton pananglitan boluntaryo nga magpakita si Duterte kahapon.
Suno kay Atty. Paul Lawrence Lim, legal counsel ni Duterte, wala sang intensyon ang bise presidente nga magpalagyo ukon maglikaw sa layi, pahayag pa sini nga gamiton nila ang tanan nga nagakaigo nga legal remedies.
Sang damlag lang, nag-file ang Department of Justice (DOJ) sang tatlo ka counts sang grave threats batok kay Duterte may kaangtanan sa assassination remarks sang bise presidente batok nanday President Ferdinand Marcos Jr., First lady Liza Marcos, kag anay Speaker Martin Romualdez.
Madumduman man nga nag-file sang motion to quash ang kampo ni VP Sara apang gin-deny ini sang korte bangud sa kakulangan sang merito.
