Search and rescue operations sa mga mangingisda nga namissing sa baybayon sang Sagay kag Cadiz City, nagapadayun

Padayun pa ang search and rescue operation sa duha ka mga mangingisda nga namissing sa Northern Negros Occidental.

Madumduman nga sang Hulyo 15, namissing si Glen Trejeros sang Purok Crotons, Old Sagay, Sagay City samtang namissing naman si Bernie Flores sang Barangay Burgos, Cadiz City sang Hulyo 17.

Lt Junior Grade John Hoffer Olis, spokesperson sang Coast Guard Northern Negros Occidental, padayun ang ila pagpangita sa mga namissing nga mangingisda kag kaupod man nila sa operasyon ang Local Disaster Risk Reduction and Management Office kag Bantay Dagat.