Ginmandoan ni Bacolod City Mayor Greg Gasataya ang City Legal Office nga mag koordinar sa National Bureau of Investigation (NBI) angot sa ginapalapta nga fake news sa ciudad.
Ini kasunod sang paglapta sang announcement tuhoy sa gina-alegar suspension of classes kahapon nga kalabanan ginpalapta sa mga group chats.
Suno sa alkalde, dapat matapa na ang pagpalapta sang sala nga impormasyon bangod makalolooy diri ang mga kabataan.
Suno diri dapat lantawon kun sin-o kag diin naghalin ang source kag para mas lehitimo mas maayo nga sa iya facebook account na lang magbantay ukon sa official facebook page sang Bacolod City Government nga Bacolod Stronger Together.
Tsekyaron man kun ang nagpost sang announcement may history, followers, ukon kwestyonable ang account.
Mas maayo man suno sa alkalde nga indi magsalig sa isa lang ka post kag tsekyaron ang petsa kag logo sang ginpost nga balita.
