Ginpanawagan sang City Health Offficer sang Silay City nga ipaiway ang pagpamulitika kag magpadayon sang trabaho kasunod sa isyu nga may yara sang mga expired nga bulong nga wala napanagtag sa mga pasyente.
Ini matapos nga nagpadulong sa city health ang duha ka konsehal sang ciudad para mag-imbestigar sa gina-alegar expired nga bulong.
Sa interview sang Bombo Radyo kay Dr Sharie Torres-Barnuevo, sanday Councilor Toti Lopez kag Mykol Velez ang nagpadulong sa city health samtang nagpost man si Vice Mayor Tom Ledesma nga may pamulutika sa likod sang mga expired nga bulong nga wala napanagtag.
Suno kay Barnuevo, wala sang expired nga bulong bangod ang tanan nga nag-expired na ang lunsay nadispose na sang mga tinalikdan nga semana.
Dugang pa sini, wala siya nakahibalo kun diin naghalin ang bulong nga ginpost sang bise alkalde nga expired bangod wala naman ini didto sa city health apang aminado si Barnuevo nga ini nga mga bulong ang gin-endorse sini sadto nga idispose.
Gin-ako man sini nga nasakitan siya sa post ni Vice Mayor Ledesma nga may yara sang pamulitika kag mas maayo suno diri nga nakig-angot na lang kuntani sa iya kay siya ang reliable nga makasabat sa mga problema sa CHO.
Pahayag ni Barnuevo, nasabat man sini tanan nga pamangkot sa iya sa session nga ginpatigayon kahapon kag mensahe sini nga likawan na lamang ang pamulutika kag magpadayon sa trabaho.
