-- ADVERTISEMENT --
Nagpaandam ang Department of Health sa halit nga matuga sang leptospirosis samtang nagapadayon pa ang lapnagon nga pagbaha bangud sa pag-ulan nagikan sa southwest monsoon ukon hangin habagat.
Paandam sang DOH, indi maghampang ukon likawan ang pag-ubog sa baha bangud delikado ang mga mikrobyo nagikan sa mga basura kag higko nga posible magtuga sang leptospirosis.
Dugang pa sang DOH nga kun mag-ubog gid man sa baha, gilayon nga maghugas sang lawas gamit ang habon kag tubig.
Gilayon man nga magkonsulta sa doktor kun may yara sang pilas ukon kun maka-eksperyensya sang sintomas kaangay sang hilanat kag pagpalanakit sang lawas.
