Sa Pebrero 6, 2026 pa liwat nga mahimo makafile sang impeachment complaint batok kay Vice President Sara Duterte.
Ini kasunod sang pagdeklarar sang Korte Suprema nga unconstitutional ang Articles of Impeachment bangud nag-violate ini sa one-year rule.
Suno kay Supreme Court Spokesperson Atty. Camille Sue Mae Ting, ang impeachment complaint batok sa bise-presidente ang gindeklarar sang Korte Suprema nga wala nasanto sa konstitusyon.
Sa nakuha nga impormasyon sang Bombo Radyo, ang ini nga deklarasyon ang kasunod sang ginpatigayon nga en-banc session sang mga mahistrado kahapon.
Kun sa diin nag-isa ang nangin resulta sa mga boto sang mga hukom ukon unanimous decision ang ginpagwa sang Korte.
Ini ang ginalakipan sang 13 ka mga judges nga nagboto nga pabor agud manullify ukon mavoid ang nasambit nga articles of impeachment.
Madumduman nga sang Disyembre 2024, tatlo ka impeachment complaints ang gin-file batok kay Duterte, kag ini ang naangot tanan sa alleged misuse of confidential funds.
Apang ang ikaapat nga impeachment complaint ang gin-endorso sang masobra one-third sang mga lawmakers sa House of Representatives nga amo man ang gintransmit sa Senado sang February 5, 2025.
Madumduman nga nagfile sang complaint ang kampo Duterte angot sa constitutionality sang impeachment case, nga amo ang gindesisyonan sang Korte Suprema.
Sang damlag lang, nagpangayo ang Korte Suprema sang mga dokumento gikan sa House of Representative kaangay sa mga petsa sang pagfile kag transmittal sang tanan nga impeachment cases batok kay VP Sara.
Kasunod sini, nagpadala man sang sulat ang Senado sa Korte Suprema nga nagapangayo sang advice bangod man sa kaangay nga concern sang constitutionality antes magconvene bilang Impeachment Court, kag nagpahayag nga ang ginapangayo nga dokumento sang Korte Suprema amo man ang luyag nila nga makita.
Bangod sa ruling, sarang nga makarefile sang impeachment case kay VP Sara sa Pebrero 6, 2026.
