Ginapaboran sang Sangguniang Panlungsod ang pagpatuman sang curfew para sa mga menor de edad sa ciudad sang Bacolod.
Suno kay Councilor Celia Flor, chair sang Committee on Women, Gender, Family and Childcare sang Sangguniang Panlungsod, maayo gid nga ipatuman ukon hugton ang pag-implementar sang curfew for minors bangud may ang tagsa ka mga barangay ang may yara sang kinamatarong nga magpatuman sang ila ginpasar nga ordinansa kasubong man magpatuman sang ordinansa nga ginpasar sang Sangguniang Panlungsod.
Suno kay Flor, nanotisyaran sini nga madamo pa sang mga menor de edad nga nagalayaw bisan tungang gab-i na.
Bangud sini, ginplano man ni Flor nga magfile sang resolusyon nga magapahanumdom sa mga barangay officials sang Bacolod City sa pagpatuman sang City Ordinance No. 331.
Ini nga ordinansa nagamando sang curfew halin alas 10:00 ang takna sang gab-i tubtob alas 4:00 ang takna sang kaagahon para sa mga minors.
Nagapati ang konsehal nga paagi sini maprotektahan ang seguridad sang mga kabataan.
