Gin-athag ni President Ferdinand “Bongbong” Marcos Jr. nga wala sang kahilabtanan kun insakto ukon sala ang mga akusasyon batok kay Vice President Sara Duterte nga amu ang kaundan sang impeachment complaint nga iya ginapangatubang, sa nangin desisyon sang Korte Suprema.
Suno kay Marcos, procedural issues lamang ang gintalakay kag gindesisyunan sang Korte Suprema kag indi ang kaundan sang reklamo.
Suno sa Presidente, wala sang hearing nga natabo kag ang kaundan sang impeachment complaint ang wala naman gindebatehan.
Gani wala ini nagapatimaan nga wala na sang istoryahan ang accountability ukon salabton ang bise-presidente.
Liwat naman nga ginhighlight sini nga wala sang papel ang executive branch sa impeachment proceedings gani indi siya dapat makigbahin sa ini nga istorya.
