Arestado ang ambulance driver sang Cadiz City Government kag Cadiznon nga call center agent sa drug buybust operation sa Purok Grasya, Barangay Singcang-Airport, Bacolod City alas-8:42 kagab-i.
Ang mga nadakpan ang ginkilala nga sanday Alyas Evon ukon Alyas Tats, 27 anyos, single, Home-base Call Center agent nga residente sang Brgy. Tinampaan, Cadiz City nga ginakonsiderar High Value Individual (HVI) kag yara sa Barangay Anti-Drug Abuse Council (BADAC) list; kag si Alyas Rich, 50 anyos, kasado, Government Ambulance driver sa Cadiz City, nga residente sang Brgy. Daga, Cadiz City, nga ginakonsiderar Street Level Individual (SLI), wala sa BADAC list.
Ang operasyon ang ginpatigayon sang Special Drug Enforcement Team sang Bacolod Police Station 8 kun sa diin narecover ang isa ka elongated kag 11 ka big heat-sealed transparent plastic sachet sang suspected shabu nga ginabanta nagabug-at sang 80 gramos nga may standard drug price nga P544,000.
Narecover man sa mga ini ang iban pa nga drug paraphernalia.
