Mga nagparehistro sa nationwide 10-days voter’s registration para sa Brgy and SK Elections, nagdangat sa masobra 2.1 million

Naglapaw sa duha ka million ang numero sang mga registrants para sa Barangay and Sangguniang Kabataan elections (BSKE) sa sulod lamang sang napulo ka adlaw suno sa Commission on Elections.

Humalin Agosto 1 tubtob 9, ang Comelec ang nakaproseso na sang kabug-usan nga 2,136,230 applications para sa voters registration.

Gindeklarar ni Comelec Chairman George Garcia nga “historical” kag highly successful ang 10-day voter registration para sa BSKE.

Dugang pa sini nga nangin mataas ang nationwide registration apisar nga dako ang posibilidad nga ang BSKE ang igareschedule sa Nobyembre 2026 humalin Disyembre 2025.