Tubtob sa diin bala imo nga kaayo ukon selflessness?
Sa Ireland, gin-appoint sang High Court Justice ang isa ka guardian ad litem agud nga mag-represent sang interes sang isa ka mangunguma nga nagbaligya sang iya propedad kag ginhatag ang kadam-an sini sa pigado, sa panindugan nga ini ang ginhambalan sang Diyos nga siya ang makakadto sa langit.
Ginbaligya sang wala ginhingadlan nga 40 anyos nga mangunguma ang iya propedad pila ka bulan ang nakaligad sa balor nga EUROS 600,000 ukon masobra P39 million kag napanagtag na ang masobra sa katunga sang kwarta.
Sang tinalikdan naghatag ini sang masobra sa EUROS 1,000 sa isa ka homeless nga babayi kag sa sulod sang pila lang ka semana, ang balance niya sa iya bank account ang hinali nga nagnubo.
Bangud sini, nag-intra na ang Irish Government Agency Health Service Executive kag nag-request sa High Court nga hatagan ini sang guardian ad litem.
Ang guardian ad litem amo ang independent persons nga gina-appoint sa duration sang Court proceedings agud nga magbulig sa concerned nga tawo.
Maga-convene ang korte sa Septyembre.
