Isa ka bag-o nga teknolohiya ang mahimo makapabag-o sa pamaagi sang pagkontrol sang mga lamok.
Ang kompaniya nga Tornyol, isa ka start-up sa Amerika, ang nagahimo sang magagmay nga AI-powered drones nga mahimo makapanubo sang gastos sa pag-terminate sang mga lamok sang 100 ka beses.
Suno sa mga engineer sang Tornyol, ang mga mini-drones ang magaserbe bilang hunter sang mga lamok sa kahawaan sa mga urban nga lugar.
Sa baylo nga maggamit sang mga kemikal ukon mas mahal nga produkto sa pagpamatay sang mga lamok, mahimo nga gamiton ang ila imbensyon nga drone swarm ukon grupo-grupo nga micro-drones.
Sang Hulyo 14, nag-share si Alex Toussaint, isa sa mga proponent sang Tornyol, sang isa ka video nga nagapakita sang “first air-to-air kill” sang nasambit nga drone sa diin makit-an nga ginalaut sini ang isa ka gamo-gamo sa sulod sang isa ka kwarto bilang kabahin sang ila testing.
Ang mga enhinyero nga sanday Toussant kag Clovis Piedallu ang nagalaum nga magamit ang ila imbensyon sa palaabuton.
