Nagdangat sa 6,312 ka mga voters’ registrant ang naproseso sang Commission on Elections – Bacolod sa 10-day voter’s registration para sa Barangay and Sangguniang Kabataan Elections.
Sa interview sang Bombo Radyo Bacolod kay Bacolod City Election Officer Atty. Katrina Trinio Caña, ginlauman na nga madamo ang magaparehistro sa ulihi nga tatlo ka adlaw sang pagprehistro apang ang natabo sang Sabado kun sa diin may yara sang nagkalalipong ang bangod sa pagginutok sa area.
Suno diri, may yara na nga daan sang nakapila sa gwa sang Robinson’s Place Bacolod apang pagbukas sang mall may mga nagdinalagan, naglumpat sa barikada kag nagsal-ot sa pila.
Kahapon, 800 lang ang numero nga i-cater kuntani apang ang iban sa mga nahatagan sang numero ang wala sang nagakaigo nga identification cards kag iban diri ang naghalin pa sa iban nga ciudad ukon banwa nga luyag nga magparehistro sa Bacolod apang wala natigayon
Sang natapos ang 800 ka mga applicants’ gin-cater na lamang ang iban nga mga nagahulat sa gwa sang mall kag nagdangat sa 916 ang applicants nga naproseso.
Sa kabug-usan nga 10-day voter’s registration, ang mga naproseso nga application ang wala pa naaprubahan bangud may yara pa sang patigayunon nga Election Registration Board (ERB) hearing sa Agosto 26.
