Alas-2:00 kaina sang kaagahon, nagsanyog na sa Typhoon category ang Bagyo GORIO samtang ini ang nagahulag padulong sa nakatungdan nga dereksyon sang Philippine Sea sa kadasigon nga 25 km/h.
Alas-4:00 sang kaagahon, ang Typhoon GORIO ang ulihi nga nasiplatan sa 745 km sa nasidlangan sang Itbayat, Batanes.
Dala sini ang kabaskugon sang hangin nga nagadangat sa 120 km/h kag pagmadlos nga tubtob 150 km/h.
Sa karun, wala pa sang lugar nga napaidalom sa Tropical Cyclone Wind Signals.
Sa latest track kag intensity lookout, ginalantaw nga magaliko ang banas sang Typhoon GORIO sa West Northwestward nga dereksyon.
Ini ang ginalantaw nga magalandfall sa eastern coast sang Taiwan bwas sa hapon kag magagwa naman sa Philippine Area of Responsibility (PAR) bwas sa gab-i.
Ginalantaw nga mapabilin man sang Bagyo ang Typhoon category tubtob nga maglandfall sa Taiwan, kag ini ang amat-amat na nga magahuyang.
Samtang Southwest Monsoon ukon Hangin Habagat naman ang maga-apekto sa nakatungdan nga bahin sang Southern Luzon, Visayas, kag Mindanao.
Lauman ang magal-umon nga panahon, nga magaresulta sang lapta-lapta nga mga pag-ulan nga kun kis-a may kaupod nga pagpangilat kag pagpanaguob sa MIMAROPA, Western Visayas, Negros Island Region, kag Zamboanga Peninsula tuga sang Hangin Habagat.
Samtang mangin makanay naman ang panahon sa Metro Manila kag nabilin nga bahin sang pungsod magluwas sa gulpyada kag makadali nga mga pag-ulan partikular na sa hapon tubtob sa gab-i dala sang Localized Thunderstorms.
