Ginpahayag ni former Bayan Muna Representative Atty Carlos Isagani Zarate nga indi na bag-o sa pagpang-gobyerno sa pungsod ang patronage politics kag pagpabilin sang pork barrel.
Sa interview sang Bombo Radyo Bacolod kay Zarate, ang patronage politics indi na bag-o sa gobyerno kun sa diin ginahatagan sang executives sang allocation sang budget ang miyembro sang kamara agud kun may yara man sang agenda ang executives mapalusot ini sa legislatives.
Suno pa diri, sang 2013 gindeklarar sang Supreme Court ang Priority Development Assistance Fund (PDAF) ukon ang pork barrel bilang unconstitutional.
Apang suno kay Zarate, bisan nadula man ang pork barrel tubtob sa karun nagapabilin ini kag mabudlay na nga panason bangod nagdulot ini kag napalusot sa budget sang Pilipinas.
Dugang pa sini, kun sadto kalabanan nga proyekto amo ang farm to market roads kag cleaning programs apang sa karun ang flood control projects naman ang nagadamo.
Pahayag ni Zarate, madamo sa mga miyembro sang kongreso ang mga contractor ukon madamo sila sang koneksyon sa mga construction firms kag ila gina-corner ang project sang gobyerno agud makaganar man sila.
Pamangkot sini kun sa diin nagakadto ang kwarta sang Pilipinas bangod dako man ang utang apisar nga dako man ang kwarta sang pungsod.
