Wala pa masiguro kun nalakip na sa proposed budget para sa 2026 ang para sa pagpatukod sang mga opisina sang mga ahensya sang gobyerno sa Negros Island Region.
Sa interview kay Negros Occidental 4th District Representative Jeffrey Ferrer nga sa masunod nga deliberasyon sa budget para sa 2026 mahibaluan kun nalakip ang Negros Island Region nga mapainan sang pondo.
Nahibaluan nga subong nga 2025 wala malakip sa ginpainan sang budget ang NIR apisar nga may yara na sang mga national agencies nga ginpahamtang sa rehiyon.
Nagapati si Ferrer nga may yara sang pondo nga ipainon agud nga gamiton sang Negros Island Region bangud may pila naman ka mga mamalidha ang nagalobby sini.
Suno diri dapat malakip sa General Appropriations Act ukon GAA ang pagpatukod sang mga regional offices sang ahensya sang gobyerno sa rehiyon kag kun pila ka mga empleyado ang kinahanglanon agud nga mangin operational ini.
