160,000 ka pamilya sa Negros Island Region ang makabaton sang P2,000 kada bulan sa idalom sang UPLIFT program sang Department of Social Welfare and Development (DSWD).
Masobra 90,000 naman ang makabaton sang ayuda gikan sa Negros Occidental.
Ini ang nalakip sa listahan sang UPLIFT Assistance benefeciaries nga ginapanghatag sang DSWD sa sulod sang anum ka bulan, sumugod subong nga Hulyo tubtob Disyembre.
Suno kay DSWD-NIR Director Arwin Razo, nagapatigayon na sang pilot distribution sa Talisay City, Sagay City kag Hinigaran sa Negros Occidental samtang sa Dumaguete kag Vallehermoso naman sa Negros Oriental.
Dugang pa, magapatigayon man sang massive rollout sa bug-os nga rehiyon sa masunod nga semana.
Paathag sini nga ang mga benepisyaryo ang kabahin sa UPLIFT Group 2 ukon ang mga “poor” kag “near poor” nga mga pamilya.
Ini ang santo sa database sang Philippine Statistics Authority paagi sa Community-based Monitoring System (CBMS).
