Nagpadala na ang Estados Unidos sang isa ka formal request sa Pilipinas agud i-extradite si controversial televangelist Kingdom of Jesus Christ leader Apollo Quiboloy.
Ini ang ginkumpirmar ni Philippine Ambassador to the US Jose Manuel “Babe” Romualdez sang Miyerkules.
Suno diri, ini ang ginpadala na sa Department of Justice.
Ginkumpirmar man ni Romualdez nga ang request ang ila nabaton ang Hunyo.
Sang Miyerkules, ginpahayag sang DOJ nga wala ini nakabaton sang maskin ano nga request para sa extradition ni Quiboloy.
Madumduman nga gin-issue ang isa ka US federal warrant batok kay Quiboloy sang Nobyembre 10, 2021, matapos nga siya ang gin-indict para sa conspiracy agud mag-engage sa sex trafficking by force, fraud kag coercion kag sex trafficking of children kag iban pa nga mga kaso.
Sa interview sang Bombo Radyo Bacolod kay Atty. Jomax, mabug-at ang mga kaso nga ginpasaka sa Estados Unidos batok kay Apollo Quiboloy.
Suno kay Ortiz, mahimo nga maextradite si Quiboloy apisar nga may kaso ini ang santo sa 1997 bilateral extradition treaty nga ginpirmahan sa tunga sang Estados Unidos kag Pilipinas.
Ang pamaagi lamang nga mapunggan ang extradition amo ang pagfile sang abugado ni Quiboloy sang kaso sa Korte Suprema sa pagkwestyon sang extradition.
