Gitarista sang metal band nga Mastodon nga si Brent Hinds, nagtaliwan na sa edad nga 51

Nagtaliwan na ang gitarista sang metal band nga Mastodon nga si Brent Hinds sa edad nga 51.

Ginkumpirmar sang banda ang pagtaliwan ni Hinds matapos nga maaksidente sakay sa iya nga motorsiklo a Atlanta.

Isa ini sa nagtukod sang banda sadtong 2000 kun sa diin ang mga miyembro amo sanday Troy Sanders, Bill Kelliher kag Brann Dailor.

Nakahimo ang mga ini sang walo ka mga albums kun sa diin nagdaog sa Grammys ang kanta sang mga ini nga “Sultan’s Curse” sang 2018.

Sang Marso lamang sang gin-anunsyar sang grupo nga sila ang nagseparar na.