Isa na naman ka Asong Pinoy ukon Aspin ang nabiktima sang Indian Target sa banwa sang Murcia.
Madumduman nga may-una na nga duha ka kaso sang pagpaniro sang Indian Target sa banwa, kun sa diin ang una nga biktima amo sanday Tiktok kag Buldog.
Sa social media post sang BACH Project, ang bag-o nga biktima ang ginkilala nga si Maxi.
Ini ang gindala sa Barksite Animal Clinic, nga may nakatusok nga Indian arrow sa lawas.
Ginapakamaayo lamang nga yara si Doc Jec Cabuguason sa ginpatigayon nga fun run para maka-assisr kun may emerhensya sa kasaparan, gani napatigayon gilayon ang surgery kag madinalag-on nga napalos ang Indian arrow.
Apang sa karun, nagapabilin nga kritikal ang kondisyon ni Maxi.
Sa mga luyag magbulig, mahimo lamang nga bisitahan ang BACH Project PH facebook page, ukon magpadala sang donasyon sa GCASH account 09121419920 ni Christopher John Bertol, ukon MAYA account 09658018292 ni Concepcion Bach.
