Padayon sagihapon ang pagpanawagan sang Local Government Unit sang La Castellana, Negros Occidental sa national government nga mahatagan na sang solusyon ang pagnabaw sang Tamburong creek bangud sa nagtipon nga mga balas kag bato.
Sa interview sang Bombo Radyo Bacolod kay La Castellana Mayor Añejo Nicor, padayon ang ila nga paghulat sa desisyon sang DENR bangud ang secretary mismo ang magadesisyon angot diri.
Suno kay Nicor, nagrefer niya naman ang ini nga concern sa probinsya kag ginpafollow-up sa iya sa DENR kag gintugyanan niya naman ang iya magulang nga si Vice Mayor Rhumyla Nicor Mangilimutan nga iproseso ini sa DENR.
Suno diri, dapat gid nga madesisyunan ini gilayon bangud nga madamo sang panimalay ang maapektuhan sa tion nga magbaha bangud sa nagnabaw nga creek bangud sa pag-inulan.
