Ginkumpirmar sang Assistant Regional Director sang Department of Environment and Natural Resources (DENR)-Negros Island Region, nga mahimo madredge ang mga natipon nga balas kag mga bato dala sang lahar sa Tamburong Creek sa Barangay Biaknabato, La Castellana, Negros Occidental.
Sa interview kay Engr. Joan Nathaniel Gerangaya, mahimo makuha ang mga balas kag bato sa creek nga nangin rason sang pagnabaw sang sapa apang ang ginadumilian nga ibiyahe ini pagwa sa Barangay.
Suno kay Gerangaya, ini bangud mahimo nga mamalisyahan ini kag may yara sang pagsulundan ang Protected Area Development and Management (PAMB) angot diri.
Apang sa karun nagahulat sila sang clearance nagikan sa Department of Environment and Natural Resources (DENR) kun mapasugtan ukon indi ang pagpagwa sang nasambit nga materyales.
