Nagpaandam si Senate President Francis “Chiz” Escudero nga ipaaresto ang mga contractors sang mga kwestiyonable nga flood control projects kun indi sila magtambong sa Senate hearing sang Blue Ribbon Committee.
Natalana sa Setyembre 1 ang ikaduha nga hearing sang komitiba kun sa diin ginpasubpoena na ang mga contractor nga una na nga ginbuyagbuyag sa publiko ni President Ferdinand “Bongbong” Marcos Jr.
Ginhighlight ni Escudero nga indi ini magduha-duha nga permahan ang arrest warrant batok sa mga kontratista nga indi magtambong sa imbestigasyon.
Suno diri, nakabutang sa pagsulundan sang Senado nga sarang nga ipaaresto ang sinuman nga ginpapanaugan sang subpoena apang nagalikaw nga mag-atubang.
Dugang pa sini, obligasyon sang mga contractor nga mag-eksplikar natuhoy sa ginaalegar ghost kag substandard nga mga proyekto.
