Ginasukot sa karun sang Bacolod City Government ang AVM-Bernardo Slaughterhouse sa wala mabayaran nga rental arrears nga nagdangat na sa P4.6 million.
Sa interview kay Bacolod City Mayor Greg Gasataya, siya ang nagpadala sang demand letter sa AVM-Bernardo Slaughterhouse nga mabayaran ang 36-months rental arrears halin Enero 6, 2022 tubtob Enero 5, 2025.
Ang monthly rental ang yara sa P129,883.
Nahibaluan nga sa karun, masako man ang pagpasarado sang Bacolod City Government sa mga negosyo nga wala sang business permit.
Suno kay Mayor Greg, luyag sini nga mangin patas gani dapat man nga mapabayad ang may arrears.
Nahibaluan nga sa 2028 pa maga-expire ang kontrata sang AVM-Bernardo Slaughterhouse.
Panindugan ni Mayor Greg nga mas mataas ang demand letter sangsa warning, bangod sila ang nagamando nagid sang pagbayad.
Pahayag sang alkalde nga hinali indi makabayad ang AVM-Bernardo Slaughterhouse ang ciudad ang may pagahimuon man nga tikang.
