Maine Mendoza, gindepensahan ang iya bana nga si Congressman Arjo Atayde nga na-involve sa anomalous flood control projects

Nagpagwa sang pahayag si Maine Mendoza agud depensahan ang bana sini nga si Quezon City 1st District Congressman Arjo Atayde, nga isa sa ginhingadlan sang mag-asawa nga Discaya nga kalakip sa mga gina-alegar imbulbado sa anomaliya sa flood control projects.

Sa social media nga X, gintawag sang aktres nga wala sang basehan ang mga alegasyon kag nagpanawagan sa publiko nga likawan ang pagpalapta sang hatred kag hulaton nga magwa ang kamatuoran.

Dugang pa ni Maine nga yara ini sa liko sang iya bana kag ginpunto nga wala ini sang sala kag nagaserbe lang sa iya mga constituents.

Suno pa diri, nagalaom kag nagapangamuyo siya nga manabat ang mga tawo nga amo ang matuod nga responsable.

Una na nga ginpanginwala ni Arjo ang pahayag sang mag-asawa.