Philippine Embassy sa Qatar, nagpasalig nga wala sang Pilipino nga naulamid sa airstrike sang Israel

Ginkumpirmar sang Embahada sang Pilipinas sa Qatar nga wala sang Pilipino nga napilasan sa natabo nga airstrike sang Israel sa ciudad sang Doha sang tinalikdan nga adlaw.

Target sang opensiba ang lider sang Hamas nga temporaryo nga nagaistar sa nasambit nga pungsod.

Sa separado nga impormasyon, nakaluwas ang mga subject sa pagpang-atake.

Apisar nga safe ang mga Filipino, nagpanawagan ang embahada sang padayon nga paghalong sa tunga sang tensyon sa rehiyon.

Padayon nga ginamonitor sang Department of Foreign Affairs (DFA) ang sitwasyon agud masiguro ang kaluwasan sang masobra 260,000 ka mga Filipino nga nagaistar sa Qatar.

Gin-abisuhan naman ang mga Filipino nga likawan ang pagwa kun indi kinahanglanon kag magpabilin nga alerto.