Ginabantayan sa karon sang netizens ang “double date” sang perennial love team nga sanday John Lloyd Cruz kag Bea Alonzo upod ang ila tagsa ka partners nga sanday Isabel Santos kag Vincent Co.
Ini matapos nga gin-imbitar ni John Lloyd sanday Bea kag Vincent paagi sa Instagram comment nga magpadulong sa ila puloy-an agud mag-bonding.
Gilayon naman nga naghatag sang positibo nga komento si Bea sa imbitasyon sang aktor.
Bangud sini, wala napunggan sang fans nga magpabutyag sang ila excitement para sa double date sang love team.
Sanday John Lloyd kag Bea ang nakilala sa ila on-screen pairing bilang Popoy kag Basha sa 2007 romantic drama film nga “One More Chance”.
Sang nagligad nga bulan, ginkumpirmar ni Bea ang ila relasyon ni Vincent samtang sang 2023 naman ginsapubliko ni John Llyod ang ila paghigugmaanay ni Isabel.
