President Bongbong Marcos, nagpagwa na sang executive order nga magatukod sang Independent Commission for Infrastructure

Ginpagwa na sang Malacañang ang Executive Order 94 natuhoy sa pagtukod sang Independent Commission for Infrastructure ukon ICI.

Ang Executive Order No. 94 ang ginpermahan ni President Ferdinand Marcos Jr. kahapon, Setyembre 11, 2025.

Gintukod ang Independent Commission agud imbestigahan ang mga iregularidad kag korapsyon sa mga flood control kag iban pa nga infrastructure projects sang gobyerno sa sulod lamang sang nagligad nga napulo ka tuig.

Ang fact-finding commission ang ginalakipan sang tatlo ka mga miyembro, isa ka chairperson kag duha ka miyembro nga may mabakod nga reputasyon pag-abot sa integridad kag pagkapatas.