-- ADVERTISEMENT --
Ginkawat ang panel controller sang traffic lights sa bahin sang Burgos-Lopez Jaena St, Bacolod City.
Suno kay Atty. Reuben Sabig, Officer in Charge sang Bacolod Transportation and Traffic Management Department (BTTMD), napa-blotter na sa Bacolod Police Station 4 ang pagkawat sang box kun diin na-install ang panel controller sang apat ka taffic lights.
Wala naman naga-gana ang traffic lights apang ang panel controller ginapanag-iyahan sang ciudad kag ang unod sini nga kable kag controller mahimo pa magamit.
Gintugyan na sang BTTMD ang imbestigasyon sa City Legal Office nga amo ang makahatag sang husto nga tikang kag imbestigasyon.
