Natigayon nga masalbar ang isa ka pamilya sa sunog nga nagluntad sa Barangay 27, Bacolod City sang kaagahon bangud sa pagtaghol sang ila hinuptanan nga ido.
Sa interview sang Bombo Radyo Bacolod kay Jeanet Baylon kag anak sini ang tag-iya sang ido, madasig man ang mga ini nga nagpanaog gikan sa ila nga balay dala ang TV kag ginhingagaw man nila mapagwa ang ido nga si Shaq nga nagtaghol bangud sa sunog.
Suno kay Baylon, una nila nga nabatian ang taghol sang ido kag sang nagwa ini nakita niya nga may nagasanag, kag sang nakita nga nagdako na ang kalayo nagsinggit ini nga may sunog.
WATCH: https://www.facebook.com/share/v/19XiVxfbgz/
Naghingagaw ang mga ini gwa sa ila puluy-an kag ginsiguro nga madala pagwa ang ila nga ido.
Suno diri, ang TV lang gid kag ang ila ido ang nadala nila magwa sa ila balay.
Suno kay Baylon, ang ila ido nga si Shaq ang nagataghol gilayon kun may makita nga kalayo.
