Ginkumpirmar sang presidente sang Bacolod Alliance of Commuters, Operators and Drivers (BACOD) – Manibela nga magaupod sila sa panawagan sang ila national chairman Mar Valbuena.
Nahibaluan nga magapatigayon sang transport strike ang mga grupo sang MANIBELA kag PISTON sa masunod nga semana bilang pag-isa sa pagkondinar sa korapsyon sang gobyerno.
Sa interview sang Bombo Radyo Bacolod kay Rudy Catedral magasugod ang ila nga rally-protest sa Setyembre 17 tubtub 19.
Suno kay Catedral ang tinutuyo sang ila patigayunon nga pagprotesta amo ang pagpanawagan nga ipasugtan ang pagrenew sang tanan nga prangkisa sang tanan nga unconsolidated jeepneys kasubong man ang pagkondenar sang anomalya sa flood control projects.
Magatambong man ang sila sa mas dako nga rally protesta sa Luneta sa Setyembre 21.
Samtang dugang man sini nga sila man ang nagapanawagan sa gobyerno nga mabuligan sila sa nagamahal na nga produktong petrolyo.
