Alas-3:20 kaina sang aga, naglandfall na ang Tropical Depression MIRASOL sa Casiguran, Aurora.
Dala sang Bagyo ang kabaskugon sang hangin nga nagadangat sa 55 km/h kag pagmadlos nga tubtob sa 70 km/h.
Ini ang nagahulag sa naaminhan-nakatungdan nga dereksyon sa kadasigon nga 10 km/h.
Ginpaidalom na sa Tropical Cyclone Wind Signal no.1 ang:
-Batanes
-Cagayan kalakip ang Babuyan Islands
-Isabela
-Quirino
-Nueva Vizcaya
-Northern kag central portions sang Aurora
-Apayao
-Abra
-Kalinga
-Mountain Province
-Ifugao
-Northern kag eastern portions sang Benguet
-Ilocos Norte
-Ilocos Sur, kag
-Polillo Islands
Mataas man ang tyansa nga magasaka pa sa Tropical Cyclone Wind Signal no.2 sa pila ka bahin sang Luzon sa masunod nga mga inoras.
Samtang pabaskugon man sang Bagyo MIRASOL ang Southwest Monsoon ukon Hangin Habagat, nga magadala sang mabaskog nga mga pag-ulan kag makusog nga huyop sang hangin.
Apektado sini sang southern portion sang Quezon, Camarines Norte, Camarines Sur, Marinduque, Romblon, Occidental Mindoro, Oriental Mindoro, Palawan, Panay Island, Guimaras kag diri sa atun sa Negros Occidental.
Santo sa track kag intensity forecast, ang Tropical Depression MIRASOL ang ginalantaw nga magapabilin sa paghulag sa north northwestward nga dereksyon sa masunod nga 12 oras samtang ginatabok ang kadutaan sang Northern Luzon.
Ini ang magalapos sa Luzon Strait karun sa hapon ukon sa gab-i kag magapadayun sa northwestward tubtob west northwestward nga dereksyon tubtob makagwa sa Philippine Area of Responsibility bwas sa aga ukon sa hapon.
Ginalantaw man nga mapabilin sang bagyo MIRASOL ang iya kabaskugon ukon medyo magahinay sa pagtabok sa kadutaan sang Northern Luzon, apang pagdangat sa Luzon Strait, mahimo man nga magsanyog pa kag maglab-ot sa tropical storm category bwas sa aga.
