Ginpahayag sang mga resource speakers ang tagsa ka mga hibubun-ot batok sa kurapsyon sa ginpatigayon nga indignation rally sa Bacolod City Public Plaza kahapon.
Isa sa mga resource speaker ang Human Rights Lawyer nga si Atty. Cesar Beloria, nga representante sang Council of Concerned Citizens (C-Three).
Suno kay Beloria, sila ang nagapanawagan sang investigation, persecution kag incarceration sa mga kawatan sa gobyerno.
Suno diri santo sa pagtuon, halos P1 trillion masobra ang ginkawat sa gobyerno sa sulod sang napulo ka tuig.
Ginpahayag man sini nga sa pila ka bilyon ka pesos nga Department of Public Works and Highways (DPWH) project sa ciudad sang Bacolod, 10 tubtob 25 porsyento diri ang nagakadto sa bulsa sang mga kawatan.
Suno diri, ang mga pumuluyo ang magaimbestigar sang mga proyekto sa ciudad sang Bacolod.
Ginpresentar sini kun ano kadako ang budget sang DPWH nga 40 porsyento lamang ang nagakadto sa proyekto kag ang nabilin nga porsyento ang nagakadto na sa mga kawatan santo man sa ginpatigayon nga pagtuon.
Dugang pa sini ang korupsyon wala lang nagauntat sa flood control projects kundi may yara pa sa mga poste, dalan kag madamo sang iban pa.
Suno diri dapat maimbestigaran kag may manabat sa mga kawatan sa kaban sang gobyerno.
