Nagaamat amat na plastar sa ila mga kiosko sa Bacolod City Public Plaza kag Bacolod City Government Center Fountain ang mga negosyante matapos ang engress kag ini ang pormal nga magabukas sa Oktubre 1 suno sa Bacolod Gugma Foundation.
Sa interview kay Christopher Mallo, Kiosks manager nga natapos na ang final orientation para sa mga negosyante nga kabahin sa mga guidelines para sa MassKara Festival.
Suno kay Mallo, may yara sang tatlo ka mga basurahan nga iplastar ang mga negosyante para habuyan sang barbecue sticks, plastic kag dry materials, kag para sa food waste.
Ginpasiguro man sini nga istrikto man ang organizer, kaupod ang City Health Office, sa pagmonitor sang husto nga food handling.
Ginadumilian ang mga kiosk operator nga manghugas sa ila mga pwesto agod makontrol ang mga peste.
Nakasugtan nga ang mga basura sang food kiosk ang ibutang sagwa sang ila pwesto agod makolekta sang ISWIMS.
Ginahatagan naman sang ligwa sang organizer ang mga negosyante sa pagbutang sang presyo sa ila mga baligya.
Dugang pa naplastar naman sang Negros Power ang kuryente sa kiosko kag ang mga wirings ang gin-provide sang Bacolod Gugma Foundation.
Dapat nga magsunod ang mga nagarenta sang kiosko sa pagsulundan sang organizer agud nga malikawan ang pagsira sang ila nga negosyo samtang ginapatigayon ang Masskara Festival 2026.
