Nagmatch ang resulta sang DNA test sa tunga sang nagaka-agnas nga bangkay nga nasapwan sa Hacienda Minuluan Mendoza, Barangay Matab-ang, Talisay City sang Agosto 11, kag sang pamilya nga nagclaim nga ini ang ila himata.// Ang biktima ang natumod nga si Joseph Sabolbora.
Madumduman nga ang biktima ang isa sa tatlo ka bangkay nga nasapwan sa isa lamang ka adlaw, kun sa diin ang duha ang magkalapit nga nakit-an sa Hacienda San Isidro, Barangay Concepcion, nga una na nga nakilal-an.
Ginpahayag sang nakakilala sa biktima nga gintawgan na sang pamilya ang Talisay City Police Station agud nga magpahibalo nga ang DNA sample sang amay ni Joseph Sabolbora kag ang bangkay sang tawo nga nasapwan sa Barangay Matab-ang, Talisay City sang tinalikdan nga binulan ang nag-match.
Suno sa nakakilala sa ginapahayag biktima mahimo nga may kaangtanan sa side lines sini ang motibo sa pagpatay.
Suno diri, nahibaluan nila ang balita nga nagmatch ang DNA sample sang ila abyan sa nasapwan nga bangkay sang tawo bangud ginpahibalo sila sang tiya sang ila abyan kag ginapanugyanan pa sila nga batunon na lamang ang natabo.
Sa karun nagapanawagan sila nga mahatagan sang hustisya ang kamatayon sang ila abyan bangud indi sini deserve ang kamatayon.
Ulihi nga nakita si Sabolbora sang Hulyo 28 sang gab-i kag nagwith draw pa sang kwarta bangud sweldo sini sa trabaho.
